ფსალმუნები — ახალი გადამუშავებული გამოცემა 2015

თავი 123

1. 1
   უფალი რომ არ ყოფილიყო ჩვენთან, - თქვას ახლა ისრაელმა, -
2. 2
   უფალი რომ არ ყოფილიყო ჩვენთან, როცა აღდგნენ ჩვენს წინააღმდეგ კაცები,
3. 3
   მაშინ ცოცხლად ჩაგვყლაპავდნენ, როცა რისხვით აღინთნენ ჩვენზე.
4. 4
   წყლები წაგვლეკავდნენ, ნაკადები გადაუვლიდნენ ჩვენს სულს.
5. 5
   გადაუვლიდნენ ჩვენს სულს აბობოქრებული წყლები.
6. 6
   კურთხეულია უფალი, რომ არ მიგვცა ნადავლად, მათ კბილთა საჯიჯგნად.
7. 7
   ჩიტივით დაუსხლტა ჩვენი სული მონადირის მახეს; მახე დაიმსხვრა, ჩვენ კი გადავრჩით.
8. 8
   ჩვენი შეწევნა უფლის, ცისა და დედამიწის შემოქმედის სახელშია.