ფსალმუნები — ახალი გადამუშავებული გამოცემა 2015

თავი 129

1. 1
   სიღრმეებიდან მოგიხმე, უფალო;
2. 2
   ისმინე ჩემი ხმა, უფალო! ყური მოაპყარ ჩემს ვედრებას.
3. 3
   ღმერთო, რომ შემოგენახა ჩვენი ცოდვები, წინ ვინ დაგიდგებოდა, უფალო?
4. 4
   მაგრამ შენ გაქვს ცოდვების პატიება, რათა ეშინოდეთ შენი.
5. 5
   უფალს ვენდობი, მას მოელის სული ჩემი და მისი სიტყვის იმედი მაქვს.
6. 6
   სული ჩემი მოელის უფალს უფრო მეტად, ვიდრე გუშაგი დილას, დიახ, ვიდრე გუშაგი დილას.
7. 7
   უფალს მიენდე ისრაელ, რადგან უფალს აქვს წყალობა და უხვია მისმიერი გამოსყიდვა.
8. 8
   ის გამოისყიდის ისრაელს ყველა დანაშაულისგან.