ფსალმუნები — ახალი გადამუშავებული გამოცემა 2015

თავი 128

1. 1
   მრავალგზის მავიწროებდნენ ჩემი ყრმობიდან, - თქვას ისრაელმა, -
2. 2
   მრავალგზის მავიწროებდნენ ჩემი ყრმობიდან, მაინც ვერ მძლიეს.
3. 3
   ჩემს ზურგზე ხნავდნენ მხვნელები და აგრძელებდნენ კვლებს.
4. 4
   სამართლიანია უფალი - დაწყვიტა ბოროტთა აპეურები.
5. 5
   დაე, შერცხვეს და უკუიქცეს ყოველნი მოძულე სიონისა.
6. 6
   ერდოზე ამოსული ბალახივით გახდნენ, მოგლეჯამდე რომ ხმება;
7. 7
   რომლითაც ვერ აივსებს მუჭას მომკელი და ვერც უბეს - ძნების შემკვრელი.
8. 8
   ჩამვლელებიც არ ეტყვიან - უფლის კურთხევა თქვენ; გაკურთხებთ თქვენ უფლის სახელით!