ფსალმუნები — ახალი გადამუშავებული გამოცემა 2015

თავი 10

1. 1
   უფალზე ვარ მინდობილი; როგორღა ეტყვით ჩემს სულს, ჩიტივით გადაიხვეწეო თქვენს მთებში.
2. 2
   რადგან, აჰა, მოიზიდავენ მშვილდს ბოროტნი, ისარს ლარზე მიამაგრებენ, რომ სიბნელიდან ესროლონ გულმართლებს.
3. 3
   თუ საძირკველი დანგრეულია, მართალმა რა ჰქნას?
4. 4
   თავის წმიდა ტაძარშია უფალი და ზეცაშია ტახტი მისი; თავისი თვალით უმზერს ადამის შვილებს და ქუთუთოებით ამოწმებს.
5. 5
   უფალი გამოსცდის მართალსა და ბოროტს, ძალადობის მოყვარული სძაგს მის სულს.
6. 6
   ნაკვერჩხალს აწვიმებს ბოროტებზე - ცეცხლსა და გოგირდს; ქარბორბალაა მათი ხვედრი.
7. 7
   რადგან მართალია უფალი, უყვარს სიმართლე და გულწრფელი იხილავს მის სახეს.