ფსალმუნები — ახალი გადამუშავებული გამოცემა 2015

თავი 100

1. 1
   წყალობაზე და სამართალზე ვიმღერებ; შენ გიმღერებ, უფალო.
2. 2
   ჩავუფიქრდები უბიწოთა გზას: როდის მოხვალ ჩემთან? სუფთა გულით ვივლი ჩემს სახლში.
3. 3
   უკეთურ რამეს თვალწინ არ დავიდებ; განდგომილთა საქმე შევიძულე, ახლოს არ გავეკარები.
4. 4
   მრუდე გული შორს იყოს ჩემგან, ბოროტებას არ მინდა ვცნობდე.
5. 5
   თავისი მოყვასის ფარულად ცილისმწამებელს მოვსპობ, ამპარტავან თვალსა და გაუმაძღარ გულს ვერ ავიტან.
6. 6
   თვალს მივაპყრობ ერთგულებს ქვეყანაზე, რომ ჩემთან ერთად იცხოვრონ; ვინც უბიწოების გზით დადის, ის იქნება ჩემი მსახური.
7. 7
   ვერ დამკვიდრდება ჩემს სახლში სიყალბის მქმნელი; ტყუილის მოლაპარაკე ვერ დაფუძნდება ჩემს თვალწინ.
8. 8
   ყოველ დილით მოვსპობ ყველა ბოროტს ქვეყნისას, რომ ამოიძირკვოს უფლის ქალაქიდან ყოველი მოქმედი სიმრუდისა.