ფსალმუნები — ახალი გადამუშავებული გამოცემა 2015
იტვირთება წინა თავი
თავი 107
- 1მტკიცეა ჩემი გული ღმერთო, გიგალობებ და მთელი ჩემი არსებით შეგასხამ ხოტბას.
- 2გამოიღვიძე ჩანგო და ქნარო, გამოვიღვიძებ განთიადისას.
- 3გადიდებ, უფალო, ხალხებს შორის და ერთა შორის გიგალობებ.
- 4რადგან ზეცაზე დიდია შენი წყალობა და ღრუბლებამდეა შენი ჭეშმარიტება.
- 5ცათა ზემოთ ამაღლდი ღმერთო და მთელ დედამიწას გასწვდეს შენი დიდება.
- 6რათა გადარჩნენ შენი საყვარელნი; მიხსენი შენი მარჯვენით და მიპასუხე.
- 7ღმერთმა თქვა თავის წმიდაში: ვიზეიმებ, გავანაწილებ შექემს და სუქოთის დაბლობს გავზომავ.
- 8ჩემია გილყადი, ჩემია მენაშე, ეფრემი ჩაჩქანია ჩემი თავისა, იუდა კვერთხია ჩემი.
- 9მოაბი ავზია ჩემი განსაბანელი, ედომს ფეხსამოსს გადავუგდებ, ფილისტიმს გამარჯვებით დავძახებ.
- 10ვინ შემიყვანს გამაგრებულ ქალაქში? ვინ წამიძღვება ედომისკენ?
- 11ნუთუ შენ არა, ღმერთო, მიგვატოვე და აღარ გამოდიხარ ჩვენს მხედრობასთან?
- 12მოგვეც შეწევნა გაჭირვებაში, რადგან ამაოა შველა კაცისმიერი.
- 13ღმერთით გავიმარჯვებთ, ის გათელავს ჩვენს მტრებს.
იტვირთება შემდეგი თავი