ფსალმუნები — ახალი გადამუშავებული გამოცემა 2015

თავი 111

1. 1
   ნეტარია კაცი მოშიში უფლისა, რომელიც დიდად ნეტარებს მის მცნებებში.
2. 2
   ძლიერი იქნება ქვეყანაზე შთამომავალი მისი. კურთხეულ იქნება მართალთა თაობა.
3. 3
   ქონება და სიმდიდრეა მის სახლში, მარადიულია მისი სიმართლე.
4. 4
   სიბნელეში შუქს ამოუბრწყენს წრფელებს; მოწყალე, შემბრალე და მართალია იგი.
5. 5
   კარგია კაცი მოწყალე და გამსესხებელი, სამართლიანად რომ წარმართავს თავის საქმეს;
6. 6
   უკუნისამდე არ წაბორძიკდება; მარადიული იქნება მართლის ხსოვნა.
7. 7
   ცუდი ამბისა არ შეეშინდება, მტკიცეა მისი გული, უფალზეა მინდობილი.
8. 8
   მტკიცეა მისი გული; არ შეშინდება და ბოლოს გამარჯვებით დახედავს თავის მტრებს.
9. 9
   გააბნია, მისცა ღატაკებს; სიმართლე მისი მარადიულია, დიდებით აუმაღლდება რქა.
10. 10
    ბოროტი ნახავს და განრისხდება, კბილებს დააღრჭენს და გაცამტვერდება; ბოროტეულთა საწადელი მოისპობა.