ფსალმუნები — ახალი გადამუშავებული გამოცემა 2015

თავი 112

1. 1
   ადიდეთ მსახურნო უფლისა, ადიდეთ უფლის სახელი!
2. 2
   კურთხეული იყოს უფლის სახელი, ამიერიდან უკუნისამდე.
3. 3
   მზის ამოსვლიდან მის ჩასვლამდე ქებული იყოს უფლის სახელი.
4. 4
   ყველა ერზე ამაღლდა უფალი, ცათა მაღლაა მისი დიდება.
5. 5
   ვინ არის უფალივით, ჩვენი ღმერთივით, მაღლა რომ არის დამკვიდრებული?
6. 6
   თავს იმდაბლებს, რათა იხილოს ცა და ქვეყანა;
7. 7
   მტვრიდან წამოაყენებს საწყალს, სკორედან აღამაღლებს ღატაკს.
8. 8
   რათა დასვას დიდებულებთან, თავისი ხალხის მთავრებთან.
9. 9
   უშვილო ქალს სახლში დაამკვიდრებს, შვილებით გახარებულ დედად აქცევს. ადიდეთ უფალი!