ფსალმუნები — ახალი გადამუშავებული გამოცემა 2015

თავი 13

1. 1
   თქვა უგუნურმა თავის გულში: "არ არის ღმერთი”. გაირყვნენ, სისაძაგლე ჩაიდინეს; არავინაა სიკეთის მქმნელი.
2. 2
   გადმოხედა უფალმა ზეციდან ადამიანთა შვილებს, რომ დაენახა, თუ არის ვინმე გონიერი, ღმერთს რომ ეძიებს,
3. 3
   ყველამ გადაუხვია გზიდან, ერთიანად გაბინძურდნენ; არ არის მქმნელი სიკეთისა, ერთიც არ არის.
4. 4
   ნუთუ ვერ შეუგნიათ ბოროტების ჩამდენთ, პურივით რომ ჭამენ ჩემს ხალხს და ღმერთს არ უხმობენ?
5. 5
   იქ შეკრთებიან დიდი შიშით, რადგან მართალთა თაობაშია ღმერთი.
6. 6
   გლახაკის იმედს დასცინეთ, მაგრამ ღმერთია მისი თავშესაფარი.
7. 7
   ოჰ, მოვიდოდეს სიონიდან ხსნა ისრაელისა! როდესაც ღმერთი ტყვეობიდან დააბრუნებს თავის ხალხს, მოილხენს იაკობი და გაიხარებს ისრაელი.