ფსალმუნები — ახალი გადამუშავებული გამოცემა 2015

თავი 135

1. 1
   მადლობდეთ უფალს, რადგან კეთილია, რადგან უკუნისამდეა წყალობა მისი.
2. 2
   მადლობდეთ ღმერთთა ღმერთს, რადგან უკუნისამდეა წყალობა მისი.
3. 3
   მადლობდეთ უფალთა უფალს, რადგან უკუნისამდეა წყალობა მისი.
4. 4
   მხოლოდ ის ახდენს დიდ საოცრებებს, რადგან უკუნისამდეა წყალობა მისი.
5. 5
   მას, ვინც გონივრულად შექმნა ცანი, რადგან უკუნისამდეა წყალობა მისი.
6. 6
   მას, ვინც წყლებზე განავრცო დედამიწა, რადგან უკუნისამდეა წყალობა მისი.
7. 7
   დიდი მნათობები შექმნა, რადგან უკუნისამდეა წყალობა მისი.
8. 8
   მზე - დღის განმგებლად, რადგან უკუნისამდეა წყალობა მისი.
9. 9
   მთვარე და ვარსკვლავები - ღამის განმგებლად, რადგან უკუნისამდეა წყალობა მისი.
10. 10
    მას, ვინც განგმირა ეგვიპტელთა პირმშონი, რადგან უკუნისამდეა წყალობა მისი.
11. 11
    და ვინც ისრაელი გამოიყვანა მათი შუაგულიდან, რადგან უკუნისამდეა წყალობა მისი.
12. 12
    ძლიერი ხელით და შემართული მკლავით, რადგან უკუნისამდეა წყალობა მისი.
13. 13
    მას, ვინც გააპო წითელი ზღვა, რადგან უკუნისამდეა წყალობა მისი;
14. 14
    და შუაგულში გაატარა ისრაელი, რადგან უკუნისამდეა წყალობა მისი.
15. 15
    ვინც წითელ ზღვაში ჩაყარა ფარაონი და მისი ჯარი, რადგან უკუნისამდეა წყალობა მისი.
16. 16
    წარუძღვა თავის ხალხს უდაბნოში, რადგან უკუნისამდეა წყალობა მისი.
17. 17
    წარხოცა დიდი მეფენი, რადგან უკუნისამდეა წყალობა მისი.
18. 18
    მას, ვინც გაჟლიტა ძლიერი მეფენი, რადგან უკუნისამდეა წყალობა მისი.
19. 19
    ამორელთა მეფე სიხონი, რადგან უკუნისამდეა წყალობა მისი.
20. 20
    ბაშანის მეფე ყოგი, რადგან უკუნისამდეა წყალობა მისი.
21. 21
    და მისცა მათი ქვეყნები სამკვიდრებლად, რადგან უკუნისამდეა წყალობა მისი.
22. 22
    სამკვიდრებლად ისრაელს, თავის მსახურს, რადგან უკუნისამდეა წყალობა მისი.
23. 23
    მას, ვინც გაგვიხსენა ჩვენი დამცირების ჟამს, რადგან უკუნისამდეა წყალობა მისი.
24. 24
    და გვიხსნა ჩვენი მტრებისგან, რადგან უკუნისამდეა წყალობა მისი.
25. 25
    მას, ვინც საზრდოს აძლევს ყოველ ხორციელს, რადგან უკუნისამდეა წყალობა მისი.
26. 26
    მადლობდეთ ცათა ღმერთს, რადგან უკუნისამდეა წყალობა მისი.