ფსალმუნები — ახალი გადამუშავებული გამოცემა 2015

თავი 137

1. 1
   მთელი ჩემი გულით განგადიდებ, ღმერთთა წინაშე გიგალობებ შენ.
2. 2
   თაყვანს გცემ შენი ტაძრის წინაშე, და შენს სახელს განვადიდებ, შენი წყალობისა და ჭეშმარიტების გამო, რადგან ყველაფერზე მეტად განადიდე შენი სიტყვა და სახელი შენი.
3. 3
   რა დღესაც მოგიხმე, მიპასუხე, გამამხნევე და სული განმიმტკიცე.
4. 4
   ქვეყნიერების ყოველი მეფე განგადიდებს უფალო, როცა მოისმენენ შენი პირიდან გამოსულ სიტყვებს.
5. 5
   უმღერებენ უფლის გზებს, რადგან დიდია დიდება უფლისა.
6. 6
   ამაღლებულია უფალი, მაგრამ ხედავს თავმდაბალს; მედიდურს კი, შორიდანვე ცნობს.
7. 7
   შუაგულ ჭირშიც რომ გავდიოდე, შენ შემინარჩუნებ სიცოცხლეს; ხელს გამოიწვდი ჩემი მტრების რისხვის წინააღმდეგ და მიხსნის მარჯვენა შენი.
8. 8
   უფალი თავის განზრახვას აღასრულებს ჩემზე; უფალო, მარადიულია წყალობა შენი. ნუ მიატოვებ შენი ხელის ქმნილებებს.