ფსალმუნები — ახალი გადამუშავებული გამოცემა 2015

თავი 147

1. 1
   აქე, იერუსალიმო, უფალი; სიონო, ადიდე შენი ღმერთი!
2. 2
   რადგან ის ამაგრებს შენი კარიბჭეების ურდულებს, ის აკურთხებს შენს ძეებს შენში.
3. 3
   მშვიდობას ამყარებს შენს საზღვრებზე, ხორბლის ნოყიერებით განაყრებს.
4. 4
   წარმოგზავნის თავის სიტყვას დედამიწაზე, სწრაფად ვრცელდება მისი ნათქვამი.
5. 5
   მატყლივით იძლევა თოვლს და ფერფლივით ფანტავს თრთვილს.
6. 6
   ნატეხებად ყრის სეტყვას, წინ ვინ დაუდგება მის სუსხს?
7. 7
   წარმოგზავნის თავის სიტყვას და ადნობს მათ; დაუბერავს თავის ქარს და ჩამოედინებიან წყლები.
8. 8
   თავის სიტყვას ამცნობს იაკობს, ისრაელს - თავის წესებს და სამართალს.
9. 9
   არც ერთ სხვა ერს არ მოქცევია ასე და არ იციან მათ მისი სამართალი. აქეთ უფალი!