ფსალმუნები — ახალი გადამუშავებული გამოცემა 2015

თავი 19

1. 1
   უფალმა გიპასუხოს შენ გაჭირვების დღეს, დაგიფაროს შენ, იაკობის ღმერთის სახელმა.
2. 2
   გამოგიგზავნოს შველა საწმიდრიდან და სიონიდან შეგეწიოს შენ.
3. 3
   გაიხსენოს ყველა შენი შესაწირი და მიიღოს სრულადდასაწველნი შენი.
4. 4
   შენი გულის სურვილისამებრ მოგცეს და აგისრულოს ყოველი შენი განაზრახი.
5. 5
   ვიყიჟინებთ შენი გამარჯვებით და ღმერთის სახელით დროშას ავაფრიალებთ; ყველა შენი სათხოვარი შეგისრულოს უფალმა.
6. 6
   ახლა მივხვდი, რომ იხსნა უფალმა თავისი ცხებული, თავისი წმიდა ზეციდან უპასუხებს მას, თავისი მხსნელი მარჯვენის ძლიერებით.
7. 7
   ზოგნი ეტლებით იქადიან და ზოგნი ცხენებით, ჩვენ კი ჩვენი ღმერთის სახელით დავიკვეხნით.
8. 8
   ისინი მოიდრიკნენ და დაეცნენ, ჩვენ კი წამოვდექით და მყარად ვდგავართ.
9. 9
   გვიხსენი უფალო. დაე, მეფემ გვიპასუხოს ჩვენი მოხმობის დღეს.