ფსალმუნები — ახალი გადამუშავებული გამოცემა 2015

თავი 25

1. 1
   განმსაჯე, უფალო, რადგან ჩემი სიწრფელით დავდიოდი, უფალზე ვარ მინდობილი და არ წავბორძიკდები.
2. 2
   შემამოწმე უფალო და გამომცადე, ბრძმედში გამოატარე ჩემი გონება და გული.
3. 3
   რადგან შენი წყალობა მიდგას თვალწინ და შენს ჭეშმარიტებაში დავდივარ.
4. 4
   არ დავჯდები სიცრუის მოყვარულებთან და არ მივალ მზაკვრებთან.
5. 5
   მძულს უკეთურთა კრებული, ბოროტთა გვერდით არ დავჯდები.
6. 6
   უბიწოებით დავიბან ხელებს და გარს შემოვუვლი შენს სამსხვერპლოს, უფალო.
7. 7
   რათა გიგალობო მადლიერებით და ყველა შენი სასწაული გამოვაცხადო.
8. 8
   უფალო, მიყვარს შენი სახლის სამყოფელი და შენი დიდების სამკვიდრებელი ადგილი.
9. 9
   ნუ მომსპობ ცოდვილებთან ერთად და ჩემს სიცოცხლეს - სისხლისმღვრელებთან.
10. 10
    რომელთაც ხელთ მზაკვრობა უპყრიათ და მარჯვენა ქრთამით აქვთ სავსე.
11. 11
    მე კი ჩემს უბიწოებაში ვივლი; გამომისყიდე და მადლი მაპოვნინე.
12. 12
    სწორ ადგილზე დგას ჩემი ფეხი; საკრებულოებში ვაკურთხებ უფალს.