ფსალმუნები — ახალი გადამუშავებული გამოცემა 2015
იტვირთება წინა თავი
თავი 40
- 1ნეტარია, ვინც ღატაკზე ფიქრობს. უბედურების დღეს იხსნის მას უფალი.
- 2უფალი დაიცავს მას, აცოცხლებს და კურთხეული იქნება ქვეყანაზე; არ ჩააგდებს მისი მტრების ხელთ, მათი სურვილისამებრ.
- 3უფალი გაამაგრებს მას მისი სნეულების სარეცელზე; ავადმყოფობის სარეცელიდან წამოაყენებს მას.
- 4ვთქვი უფალო: შემიწყალე და განმკურნე, რადგან შეგცოდე.
- 5ავს ამბობენ ჩემზე ჩემი მტრები: როდის მოკვდებაო და გაქრება მისი სახელი.
- 6თუ სანახავად მოვა ვინმე, სიცრუეს ლაპარაკობს, გულში კი მზაკვრობას თხზავს; გარეთ გავა და ალაპარაკდება.
- 7ყველა ჩემი მოძულე ერთად ჩურჩულებს ჩემს წინააღმდეგ და ავს განიზრახავენ ჩემზე:
- 8ამბობენ: სასიკვდილო სენი დაეუფლა, დაწვა და ვეღარ წამოდგებაო.
- 9ჩემმა ახლო მეგობარმაც კი, რომელსაც ვენდობოდი და რომელიც ჩემს პურს ჭამდა, ტერფი აღმართა ჩემ წინააღმდეგ.
- 10შენ კი შემიწყალე უფალო და წამომაყენე და მე მივუზღავ მათ.
- 11ამით გავიგებ, რომ სათნო ვარ შენთვის, როცა მტერი ვერ გაიხარებს ჩემზე.
- 12შემეწიე ჩემი უბიწოებისთვის და შენ წინაშე დამაყენე სამარადისოდ.
- 13კურთხეულია უფალი, ღმერთი ისრაელისა უკუნითი უკუნისამდე. ამინ, ამინ!
იტვირთება შემდეგი თავი