ფსალმუნები — ახალი გადამუშავებული გამოცემა 2015

თავი 42

1. 1
   გამამართლე ღმერთო და გამომესარჩლე უღმერთო ხალხთან, მიხსენი ცბიერ და ბოროტ კაცთაგან.
2. 2
   რადგან შენ ხარ ჩემი ძლიერების ღმერთი. რად უარმყავი? რად დამამწუხრე და მატარებ მტრისგან შეჭირვებულს?
3. 3
   გამოგზავნე შენი შუქი და ჭეშმარიტება, რათა გამიძღვნენ და მიმიყვანონ შენს წმიდა მთასა და სამკვიდრებელთან.
4. 4
   მაშინ მივალ ღმერთის სამსხვერპლოსთან, ჩემი დაუშრეტელი სიხარულის ღმერთთან და ქნარით განგადიდებ ღმერთო, ჩემო ღმერთო!
5. 5
   რას დაღვრემილხარ, თავო ჩემო, და რას დამკვნესი? ღმერთს მიენდე, რადგან კვლავაც ვადიდებ მას, ჩემს მხსნელსა და ჩემს ღმერთს.