ფსალმუნები — ახალი გადამუშავებული გამოცემა 2015

თავი 51

1. 1
   რატომ ტრაბახობ ბოროტებით ძლიერო? ღმერთის წყალობა ჩემთანაა მთელ დღეს.
2. 2
   შენი ენა დაღუპვას იზრახავს, სამართებელივით გაქვს გალესილი - სიცრუეს თხზავს.
3. 3
   სიკეთეზე მეტად გიყვარს ბოროტება, სიცრუე - სიმართლის თქმაზე მეტად.
4. 4
   გიყვარს დამღუპველი სიტყვები, მზაკვარო ენავ;
5. 5
   ამიტომ დაგცემს ღმერთი სამუდამოდ, შეგიპყრობს და კარვიდან გაგაძევებს, შენს ფესვს ამოძირკვავს ცოცხალთა ქვეყნიდან.
6. 6
   ნახავენ მართალნი და შეშინდებიან, გაიცინებენ მასზე და იტყვიან:
7. 7
   აგერ კაცი, რომელმაც ღმერთი არ მიიჩნია თავის სიმაგრედ, არამედ თავისი დიდი სიმდიდრის იმედი ჰქონდა და იმით მაგრდებოდა, როცა სხვებს ანადგურებდა.
8. 8
   მე კი _ ღმერთის სახლში ამწვანებულ ზეთისხილის ხესავით ვარ, ღმერთის წყალობაზე ვარ მინდობილი უკუნითი უკუნისამდე.
9. 9
   გადიდებ მუდამ შენი საქმეებისთვის. შენს ერთგულთა თვალწინ მივენდობი შენს სახელს, რადგან კეთილია იგი.