ფსალმუნები — ახალი გადამუშავებული გამოცემა 2015

თავი 53

1. 1
   ღმერთო! შენი სახელით მიხსენი და შენი ძალით გამამართლე!
2. 2
   ღმერთო! ჩემს ლოცვას მოუსმინე და ყური მოაპყარ სიტყვებს ჩემი პირისას.
3. 3
   რადგან უცხონი აღსდგნენ ჩემს წინააღმდეგ და მოძალადენი ეძიებენ ჩემს სულს; თვალწინ არა ჰყავთ ღმერთი.
4. 4
   აჰა, ღმერთია ჩემი შემწე, ღმერთია ჩემი სულის განმამტკიცებელი.
5. 5
   იგი მიაგებს ბოროტების სამაგიეროს ჩემს მტრებს; შენი ერთგულებით ბოლო მოუღე მათ.
6. 6
   ნებით შემოგწირავ მსხვერპლს, ვადიდებ შენს სახელს, უფალო, რადგან კეთილია იგი.
7. 7
   რადგან ყოველგვარი გაჭირვებისგან გამომიხსენი და ჩემი მტრების დაცემა იხილა თვალმა ჩემმა.