ფსალმუნები — ახალი გადამუშავებული გამოცემა 2015

თავი 66

1. 1
   შეგვიწყალე ღმერთო და გვაკურთხე, გამოგვიბრწყინე შენი სახე.
2. 2
   რათა შეიცნონ შენი გზები დედამიწაზე და ხსნა შენი - ყველა ერს შორის.
3. 3
   დაე, გადიდონ ერებმა ღმერთო! დაე, ყველა ერმა გადიდოს შენ!
4. 4
   იხარონ და ილხინონ ხალხებმა, რადგან სისწორით განსჯი მათ და მმართველობ ერებს ქვეყანაზე.
5. 5
   დაე, გადიდონ ხალხებმა ღმერთო! დაე, ყველა ხალხმა გადიდოს შენ!
6. 6
   მიწა გვაძლევს თავის ნაყოფს; დაე, გვაკურთხოს ღმერთმა, ჩვენმა ღმერთმა.
7. 7
   დაე, გვაკურთხოს ღმერთმა და დედამიწის კიდით-კიდემდე ეშინოდეთ მისი.