ფსალმუნები — ახალი გადამუშავებული გამოცემა 2015

თავი 8

1. 1
   უფალო, ჩვენო მბრძანებელო! რაოდენ დიდებულია შენი სახელი მთელ ქვეყანაზე, ცებზე მაღალია დიდება შენი.
2. 2
   ჩვილთა და ძუძუმწოვართა ბაგეებიდან აუწყე შენი სიძლიერე, რათა დაგედუმებინა შენი მტერი და შურისმგებელი.
3. 3
   როცა შენს ზეცას ვუმზერ - შენი თითების ნამოქმედარს, მთვარესა და ვარსკვლავებს, რომლებიც დააფუძნე,
4. 4
   რა არის კაცი, რომ გახსოვს იგი ან - ადამიანის ძე, რომ ზრუნავ მასზე?
5. 5
   ბევრად არ დაგიმცირებია იგი *ანგელოზებზე, დიდება და ღირსება დაადგი გვირგვინად.
6. 6
   გააბატონე იგი შენი ხელის ნამოქმედარზე; ყოველივე მის ფეხქვეშ მოაქციე.
7. 7
   წვრილფეხა და მსხვილფეხა პირუტყვი, ასევე - ველის ნადირი;
8. 8
   ცათა ფრინველი და ზღვის თევზი, წყლის ბილიკებით რომ მოძრაობენ.
9. 9
   უფალო, ჩვენო მბრძანებელო! რაოდენ დიდებულია შენი სახელი მთელ ქვეყანაზე.