ფსალმუნები — ახალი გადამუშავებული გამოცემა 2015

თავი 81

1. 1
   უფალი ჩადგა საღვთო კრებულში, ღმერთებს შორის ჰქმნა სამართალი.
2. 2
   როდემდე განიკითხავთ უსამართლოდ და როდემდე იქნებით მიკერძოებულნი ბოროტთა მიმართ?
3. 3
   განიკითხეთ სუსტი და ობოლი, სამართალი გაუჩინეთ ღარიბსა და ღატაკს.
4. 4
   დაიხსენით ბეჩავი და უპოვარი, ბოროტთა ხელიდან გამოიხსენით ისინი.
5. 5
   არ იციან და არ გაეგებათ, წყვდიადში დადიან; ირყევა დედამიწის საფუძვლები.
6. 6
   მე ვთქვი: თქვენ ხართ ღმერთები; უზენაესის ძენი ხართ თქვენ ყველანი.
7. 7
   მაგრამ მოკვდებით, როგორც ადამიანები და დაეცემით, როგორც ერთი მთავართაგანი.
8. 8
   აღსდექ ღმერთო, განსაჯე ქვეყანა, რადგან შენ დაიმკვიდრებ ყველა ერს.