ფსალმუნები — ახალი გადამუშავებული გამოცემა 2015

თავი 86

1. 1
   წმიდა მთებშია მისი საძირკველი.
2. 2
   სიონის ბჭენი უფრო მეტად უყვარს უფალს, ვიდრე იაკობის მთელი სამკვიდრებელი.
3. 3
   დიდებულ რამეებს ლაპარაკობენ შენზე, ღმერთის ქალაქო.
4. 4
   ეგვიპტესა და ბაბილონს ვახსენებ მათ შორის, ვინც მე მიცნობს. აჰა, ფილისტიმი, ტვიროსი და ქუში: ეს დაიბადა იქ - ამბობენ ისინი.
5. 5
   სიონზე კი იტყვიან: ესა და ეს კაცი იშვა მის წიაღში, და თვით უზენაესი განამტკიცებს მას.
6. 6
   უფალი ჩაწერს ხალხთა აღნუსხვისას: ეს დაიბადა აქ.
7. 7
   ყველა მომღერალი და მოცეკვავე იტყვის: ჩემი წყარო შენშია იერუსალიმო.