ფსალმუნები — ახალი გადამუშავებული გამოცემა 2015

თავი 98

1. 1
   უფალი მეფობს - ათრთოლდნენ ხალხები! ქერუბებზეა ამხედრებული - შეიძრას დედამიწა.
2. 2
   დიდია უფალი სიონში და ამაღლებულია ყველა ხალხზე.
3. 3
   აქონ შენი დიადი და საშიში სახელი, რადგან წმიდაა იგი.
4. 4
   ძლევამოსილია მეფე და უყვარს სამართალი; შენ დაამკვიდრე მიუკერძოებლობა; სამართალი, სიმართლე აღასრულე იაკობში.
5. 5
   აღამაღლეთ უფალი, ღმერთი ჩვენი და თაყვანი ეცით მის ფერხთა საყრდენს - წმიდაა იგი.
6. 6
   მის მღვდლებს შორის იყვნენ მოსე და აჰარონი, სამუელი მათ შორის იყო, ვინც მის სახელს მოუხმობდა. ისინი მოუხმობდნენ უფალს და ის პასუხობდა მათ.
7. 7
   ღრუბლის სვეტიდან ელაპარაკებოდა მათ; დაიცვეს მათ მისი მოწმობანი და დადგენილებანი - მათთვის მიცემული.
8. 8
   უფალო, ღმერთო ჩვენო! შენ პასუხობდი მათ; მიმტევებელი ღმერთი იყავი მათთვის, მაგრამ შურისმგებელიც მათ დანაშაულთა გამო.
9. 9
   აღამაღლეთ უფალი, ღმერთი ჩვენი და თაყვანი ეცით მის წმიდა მთაზე, რადგან წმიდაა უფალი, ღმერთი ჩვენი.