მათეს სახარება — ახალი აღთქმა, სტოკჰოლმი 1985

თავი 12

1. 1
   ფარისევლებმა დაინახეს ეს და უთხრეს მას: აი, შენი მოწაფეები აკეთებენ, რის გაკეთებაც შაბათს არ შეიძლება.
2. 2
   მან კი უთხრა მათ: ნუთუ არ წაგიკითხავთ, რა ქნა დავითმა, როცა მოშივდა მას და მასთან მყოფთ?
3. 3
   როგორ შევიდა ღმერთის სახლში და ჭამა წინადაგების პური, რომელიც არ უნდა ეჭამა არც მას, არც მასთან მყოფთ, მხოლოდ და მხოლოდ მღვდლებს?
4. 4
   ანდა არ ამოგიკითხავთ სჯულის წიგნში, რომ შაბათობით ტაძარში მღვდლები არღვევენ შაბათს, მაგრამ უდანაშაულონი არიან?
5. 5
   მაგრამ თქვენ გეუბნებით, რომ აქ არის ის, ვინც ტაძარზე მეტია.
6. 6
   თქვენ რომ გცოდნოდათ, რას ნიშნავს: წყალობა მნებავს და არა მსხვერპლი, - მაშინ აღარ დაადებდით მსჯავრს უდანაშაულოებს.
7. 7
   ვინაიდან შაბათის უფალი არის ძე კაცისა.
8. 8
   და იქიდან წასული მივიდა მათ სინაგოგაში.
9. 9
   და აი კაცი, გამხმარი ხელით და ჰკითხეს მას, რომ ბრალი დაედოთ მისთვის: შეიძლება თუ არა განკურნება შაბათობით?
10. 10
    ხოლო მან უთხრა მათ: რომელიმეს თქვენს შორის, ერთი ცხვარი რომ ჰყავდეს, შაბათს თუ ორმოში ჩაუვარდა, ხელს არ მოჰკიდებს და არ ამოიყვანს?
11. 11
    ადამიანი კი რამდენად უკეთესია ცხვარზე! ამიტომ შეიძლება შაბათს კეთილის გაკეთება.
12. 12
    მაშინ უთხრა იმ კაცს: გაიწოდე შენი ხელი! მან გაიწოდა და ისევ ჯანმრთელი გახდა, როგორც მეორე სხვა.
13. 13
    ფარისეველნი კი გამოვიდნენ და მოითათბირეს მის წინააღმდეგ, რომ დაეღუპათ იგი. იესომ შეატყო და იქაურობას გაშორდა.
14. 14
    დიდძალი ხალხი მისდევდა მას და ყველა განკურნა მან.
15. 15
    და აუკრძალა მათ მისი გახმაურება.
16. 16
    რათა აღსრულდეს ესაია წინასწარმეტყველის მიერ ნათქვამი, რომელიც ამბობს:
17. 17
    აი, მსახური ჩემი, რომელიც მე ამოვირჩიე, საყვარელი ჩემი, რომელშიც ჩემი სულის სათნოებაა; ჩემს სულს დავდებ მასზე, და ის გამოუტანს სასამართლოს წარმართებს.
18. 18
    არ იდავებს და არც იყვირებს, და ქუჩებშიც ვერავინ გაიგონებს მის ხმას.
19. 19
    გადატეხილ ლერწამს არ გატეხს და მბჟუტავ პატრუქს არ ჩააქრობს, ვიდრე სასამართლოს გამარჯვებამდე არ მიიყვანს.
20. 20
    და მის სახელზე დაიმედდებიან ხალხები.
21. 21
    მაშინ მოიყვანეს მასთან ეშმაკეული ბრმა და მუნჯი; და მან განკურნა იგი, ისე რომ ბრმა და მუნჯი ხედავდა და ლაპარაკობდა.
22. 22
    მთელი ხალხი გაკვირვებული იყო და ამბობდა: ეს ხომ არაა დავითის ძე?
23. 23
    მაგრამ ფარისევლებმა რომ მოისმინეს ეს, თქვეს: ეს ვერ განდევნის ეშმაკებს, თუ არა ეშმაკთა მთავრით ბელზებულით.
24. 24
    მაგრამ იესომ იცოდა რა მათი აზრი, უთხრა: ყოველი სამეფო, დაყოფილი თავისავე წინააღმდეგ, გაპარტახდება, და ყოველი ქალაქი ან სახლი, რომელიც დაიყოფა თავისავე წინააღმდეგ, ვერ გაძლებს.
25. 25
    და თუ სატანა სატანას სდევნის, თავისავე წინააღმდეგ დაიყოფა; როგორ გაძლებს მისი სამეფო?
26. 26
    და თუ მე ბელზებულით ვდევნი ეშმაკებს, თქვენი ძენი ვიღათი დევნიან? ამიტომ ისინი იქნებიან თქვენი მსაჯულები.
27. 27
    და თუ მე ღმერთის სულით ვდევნი ეშმაკებს, მაშ, მოსულია თქვენთან ღმერთის სასუფეველი.
28. 28
    ანდა, როგორ შეძლებს ვინმე, შევიდეს ძლიერის სახლში და გაიტაცოს მისი ნივთები, თუ ჯერ ძლიერს არ გათოკავს? და მაშინ გაძარცვავს მის სახლს.
29. 29
    ვინც ჩემთან არ არის, ის ჩემი წინააღმდეგია; და ვინც ჩემთან არ აგროვებს, ის აბნევს.
30. 30
    ამიტომ გეუბნებით თქვენ: ყოველი ცოდვა და გმობა მიეტევება ადამიანებს, მაგრამ სულიწმიდის გმობა არ მიეტევებათ.
31. 31
    ვინც სიტყვას იტყვის ძე კაცისას წინააღმდეგ, მას მიეტევება; მაგრამ თუ ვინმე იტყვის სულიწმიდის წინააღმდეგ, მას არ მიეტევება არც ამ წუთისოფელში, არც მომავალში.
32. 32
    ან ხეც კარგად სცანით და მისი ნაყოფიც; ან ხეც ცუდად სცანით და მისი ნაყოფიც; ვინაიდან ხე ნაყოფით შეიცნობა.
33. 33
    იქედნეთა ნაშობნო, როგორ შეგიძლიათ ილაპარაკოთ კეთილი, როცა ბოროტნი ხართ? რადგან გულში მოჭარბებულს პირი ლაპარაკობს.
34. 34
    კეთილი კაცი კეთილი საუნჯიდან კეთილს გამოიღებს; ბოროტი კაცი კი ბოროტი საუნჯიდან ბოროტს გამოიღებს.
35. 35
    თქვენ კი გეუბნებით, რომ ყოველი უქმი სიტყვისათვის, რომელსაც იტყვიან ადამიანები, ისინი პასუხს აგებენ სამსჯავროს დღეს;
36. 36
    ვინაიდან შენი სიტყვებით იქნები გამართლებული და შენი სიტყვებით იქნები მსჯავრდადებული.
37. 37
    მაშინ ზოგიერთმა მწიგნობარმა და ფარისეველმა უპასუხა: მოძღვარო, გვინდა ვნახოთ შენგან ნიშანი.
38. 38
    ხოლო მან მიუგო პასუხად: ბოროტი და მრუში მოდგმა ეძებს ნიშანს, მაგრამ ნიშანი არ მიეცემა მას, გარდა იონა წინასწარმეტყველის ნიშნისა.
39. 39
    ვინაიდან როგორც იონა იყო თევზის მუცელში სამ დღეს და სამ ღამეს, ასევე ძე კაცისა იქნება სამ დღეს და სამ ღამეს დედამიწის გულში.
40. 40
    ნინევიელები აღდგებიან სასამართლოზე ამ მოდგმასთან ერთად და მსჯავრს დაადებენ მას, ვინაიდან მათ მოინანიეს იონას ქადაგების გამო; და აი, აქ არის იონაზე დიდი.
41. 41
    სამხრეთის დედოფალი აღდგება სასამართლოზე ამ მოდგმასთან ერთად და მსჯავს დაადებს მას, ვინაიდან იგი დედამიწის კიდიდან მოვიდა სოლომონის სიბრძნის მოსასმენად; და აი, აქ არის სოლომონზე დიდი.
42. 42
    როცა არაწმინდა სული გამოვა ადამიანიდან, დადის უწყლო ადგილებში სიმშვიდის საძებნელად და ვერ პოულობს.
43. 43
    მაშინ ამბობს: დავბრუნდები ჩემს სახლში, საიდანაც გამოვედი; რომ მივა, პოულობს მას ცარიელს, დაგვილსა და მოვლილს.
44. 44
    მაშინ წავა და თან მოიყვანს შვიდს სხვა სულს, თავისზე უბოროტესს, შევლენ და დასახლდებიან იქ. და იმ კაცისათვის უკანასკნელი პირველზე უარესი ხდება. ასე მოუვა ამ ბოროტ მოდგმასაც.
45. 45
    როცა ის ჯერ კიდევ ელაპარაკებოდა ხალხს, გარეთ იდგნენ მისი დედა და ძმები, რომელთაც მასთან ლაპარაკი სურდათ.
46. 46
    ვიღაცამ უთხრა მას: აი, შენი დედა და შენი ძმები დგანან გარეთ, შენთან ლაპარაკი სურთ.
47. 47
    მან კი ამის მთქმელს პასუხად უთხრა: ვინ არის ჩემი დედა და ვინ არიან ჩემი ძმები?
48. 48
    თავისი ხელით აჩვენა თავის მოწაფეებზე და თქვა: აი ჩემი დედა და ჩემი ძმები.
49. 49
    ვინაიდან, ვინც ჩემი ზეციერი მამის ნება-სურვილს შეასრულებს, ის არის ჩემი ძმაც, დაც და დედაც.
50. 50
    იმ დღეს გამოვიდა იესო სახლიდან და დაჯდა ზღვასთან.