მათეს სახარება — ახალი აღთქმა, სტოკჰოლმი 1985
იტვირთება წინა თავი
თავი 18
- 1და უთხრა: ჭეშმარიტად გეუბნები თქვენ: თუ ისე არ მოიქცევით და არ იქენით, როგორც ბავშვები, ვერ შეხვალთ ცათა სასუფეველში.
- 2ამრიგად, ვინც თავს დაიმდაბლებს, როგორც ეს ბავშვი, ის არის უფრო დიდი ცათა სასუფეველში.
- 3და ვინც მიიღებს ერთ ასეთ ბავშვს ჩემი სახელით, მე მღებულობს.
- 4ხოლო ვინც ერთს ამ მცირეთაგან, რომელთაც მე ვწამვარ, აცდუნებს, მისთვის უმჯობესი იქნებოდა წისქვილი ქვა ჩამოეკიდათ კისერზე და ზღვის უფსკრულში ჩაეძირათ.
- 5ვაი ქვეყნიერებას ცდუნებებისაგან. ვინაიდან საჭიროა ცდუნებების მოსვლა. მაგრამ ვაი იმ კაცს, ვისგანაც მოდის ცდუნება.
- 6თუ გაცდუნებს შენი ხელი ან შენი ფეხი, მოიკვეთე და გადააგდე შენგან; უმჯობესია შენთვის დასახიჩრებული ან კოჭლი შეხვიდე ცხოვრებაში, ვიდრე ორი ხელით ან ორი ფეხით იქნე ჩაგდებული საუკუნო ცეცხლში.
- 7და თუ გაცდუნებს შენი თვალი, ამოითხარე და გადააგდე შენგან; უმჯობესია შენთვის ცალი თვალით შეხვიდე ცხოვრებაში, ვიდრე ორი თვალი გქონდეს და ჩაგდებულ იქნე ცეცხლოვან გეენაში.
- 8შეხედეთ, აბუჩად არ აიგდოთ არც ერთი ამ მცირეთაგანი. გეუბნებით თქვენ, რომ მათი ანგელოზები ზეცაში ყოველთვის ხედავენ ჩემი ზეციერი მამის სახეს.
- 9ვინაიდან ძე კაცისა მოვიდა დაღუპულის გადასარჩენად.
- 10რა გგონიათ თქვენ? კაცს რომ ასი ცხვარი ჰყავდეს და ერთ მათგანს რომ გზა დაებნას, მთაში არ მიატოვებს ოთხმოცდაცხრამეტს და არ წავა გზადაბნეულის მოსაძებნად?
- 11და თუ მოხდება და იპოვის მას, ჭეშმარიტად გეუბნებით თქვენ, უფრო მეტად გაიხარებს მასზე, ვიდრე ოთხმოცდაცხრამეტზე, რომლებსაც გზა არ დაბნევიათ.
- 12ასევე არ არის ნება თქვენი ზეციერი მამისა, რომ დაიღუპოს ერთი ამ მცირეთაგანი.
- 13ხოლო თუ შენი ძმა შესცოდებს, მიდი და ამხილე იგი, როცა ორივენი მარტო იყოთ; თუ მოგისმენს, შეგიძენია შენი ძმა.
- 14ხოლო თუ არ მოგისმენს, წაიყვანე თან კიდევ ერთი ან ორი სხვა, რათა ორი ან სამი მოწმის პირით დამტკიცდეს ყოველი სიტყვა.
- 15თუ არც მათ მოუსმენს, ეკლესიას უთხარი; ხოლო თუ არც ეკლესიას მოუსმენს, მაშინ იყოს იგი შენთვის, როგორც წარმართი და მებაჟე.
- 16ჭეშმარიტად გეუბნებით თქვენ: რასაც დედამიწაზე შეკრავთ, ზეცაშიც შეკრული იქნება; ხოლო რასაც გახსნით დედამიწაზე, გახსნილი იქნება ზეცაშიც.
- 17ასევე ჭეშმარიტად გეუბნებით თქვენ: თუ ორი თქვენთაგანი შეთანხმდება დედამიწაზე მოითხოვოს ნებისმიერი რამ, ექნებათ მათ ჩემი მამისაგან, რომელიც ზეცაშია.
- 18ვინაიდან, სადაც ორი ან სამია შეკრებილი ჩემი სახელით, მეც იქ ვარ მათ შორის.
- 19მაშინ მიუახლოვდა მას პეტრე და უთხრა: უფალო! რამდენჯერ უნდა მივუტევო ჩემს ძმას, ჩემს მიმართ რომ შესცოდოს? შვიდჯერამდე?
- 20უთხრა მას იესომ: არ გეუბნები შენ შვიდჯერამდე, არამედ სამოცდაათ გზის შვიდჯერამდე.
- 21ამიტომ ჰგავს ცათა სასუფეველი ადამიან მეფეს, რომელმაც მოისურვა თავისი მონებისაგან ანგარიშის გასწორება.
- 22როცა დაიწყო ანგარიში, მოიყვანეს მასთან ერთი, რომელსაც ათი ათასი ტალანტი ემართა მისი.
- 23და რაკი არაფერი გააჩნდა, რომ გადაეხადა, ბატონმა ბრძანა გაეყიდათ იგი, მისი ცოლი, შვილები და ყოველივე, რაც ჰქონდა, და გადაეხადა.
- 24მაშინ მონა დაემხო პირქვე, თაყვანი სცა და უთხრა: სულგრძელობა გამოიჩინე ჩემს მიმართ, და ყველაფერს გადაგიხდი.
- 25ბატონს შეებრალა ის მონა, გაუშვა იგი და ვალიც მიუტევა.
- 26ამ მონამ გამოსვლისთანავე იპოვა ერთი თავისი ამხანაგი მონა, რომელსაც მისი ასი დინარი ემართა, დაიჭირა, ახრჩობდა და ეუბნებოდა: გადამიხადე რაც გმართებს.
- 27პირქვე დაემხო ამხანაგი-მონა, ევედრებოდა და ეუბნებოდა: სულგრძელობა გამოიჩინე ჩემს მიმართ და ყველაფერს გადაგიხდი.
- 28მაგრამ მას არ უნდოდა, არამედ წავიდა და ჩააგდო საპყრობილეში, ვიდრე ვალს გადაუხდიდა.
- 29მისმა ამხანაგმა მონებმა რომ ნახეს, რაც მოხდა, შეწუხდნენ, მივიდნენ თავიანთ ბატონთან, ძალიან აცნობეს ყოველივე მომხდარი.
- 30მაშინ მოუხმო მას თავისმა ბატონმა და უთხრა: ბოროტო მონავ! მთელი ვალი მოგიტევე შენ, რაკი მთხოვე.
- 31განა არ გეკადრებოდა შენც შეგეწყალებინა შენი ამხანაგი მონა, როგორც მე შეგიწყალე შენ?
- 32განრისხდა ბატონი და გადასცა იგი მწამებლებს, ვიდრე მთელ თავის ვალს გადაუხდიდა.
- 33ასევე მოგექცევათ თქვენ ჩემი ზეციერი მამა, თუ ყოველი თქვენგანი გულით არ მიუტევებს თავის ძმას მის შეცოდებებს.
- 34ეს სიტყვები რომ დაასრულა იესომ, წავიდა გალილეიდან და მივიდა იუდეის საზღვრებში იორდანის გაღმა.
- 35დიდძალი ხალხი მისდევდა და კურნავდა მათ იქ.
იტვირთება შემდეგი თავი