მათეს სახარება — ახალი აღთქმა, სტოკჰოლმი 1985

თავი 5

1. 1
   იხილა რა ხალხი, ის ავიდა მთაზე და როცა დაჯდა, მას მიუახლოვდნენ მისი მოწაფეები.
2. 2
   მან გახსნა თავისი პირი, ასწავლიდა მათ და ეუბნებოდა:
3. 3
   ნეტარ არიან სულით ღარიბნი, ვინაიდან მათია სასუფეველი ცათა.
4. 4
   ნეტარ არიან მგლოვიარენი, ვინაიდან ისინი ნუგეშცემულნი იქნებიან.
5. 5
   ნეტარ არიან თვინიერნი, ვინაიდან ისინი დაიმკვიდრებენ ქვეყანას.
6. 6
   ნეტარ არიან სიმართლისათვის დამშეულნი და მწყურვალნი, ვინაიდან ისინი გაძღებიან.
7. 7
   ნეტარ არიან მოწყალენი, ვინაიდან ისინი შეწყალებულნ იქნებიან.
8. 8
   ნეტარ არიან გულით სუფთანი, ვინაიდან ისინი ღმერთს იხილავენ.
9. 9
   ნეტარ არიან მშვიდობის მოქმედნი, ვინაიდან ძენი ღმერთისა დაერქმევათ მათ.
10. 10
    ნეტარ არიან სიმართლისათვის დევნილნი, ვინაიდან მათია სასუფეველი ცათა.
11. 11
    ნეტარ ხართ თქვენ, როცა გაგლანძღავენ, გაგდევნიან და ყოველნაირად ბოროტს იტყვიან თქვენზე ჩემს გამო.
12. 12
    გიხაროდეთ და მხიარულებდეთ, ვინაიდან დიდია თქვენი საზღაური ცაში; ასევე დევნიდნენ წინასწარმეტყველთ, რომლებიც თქვენზე ადრე იყვნენ.
13. 13
    თქვენ ხართ მიწის მარილი. თუ მარილმა ძალა დაკარგა, რითღა დამარილდეს? ის უკვე აღარაფრისათვის არ გამოდგება, მხოლოდ გარეთ უნდა გადაყარო კაცთა მიერ გასათელად.
14. 14
    თქვენ ხართ მსოფლიოს სინათლე. მთის წვერზე მდებარე ქალაქს დაფარვა არ შეუძლია.
15. 15
    სანათს რომ აანთებენ, არ დგამენ ჭურჭლის ქვეშ, არამედ სამაპრეზე, და ყველას უნათებს სახლში.
16. 16
    ასევე ანათებდეს თქვენი სინათლე ადამიანთა წინაშე, რათა ისინი ხედავდნენ თქვენს კეთილ საქმეებს და ადიდებდნენ თქვენს მამას, რომელიც ზეცაშია.
17. 17
    არ იფიქროთ, თითქოს სჯულის ან წინასწარმეტყველთა გასაუქმებლად მოვედი. გასაუქმებლად კი არა, აღსასრულებლად მოვედი.
18. 18
    ჭეშმარიტად გეუბნებით თქვენ: ვიდრე ცა და დედამიწა არ გადაივლის, არც ერთი იოტა ანდა არც ერთი წერტილი არ გადაივლის სჯულისა, ვიდრე ყოველივე არ აღსრულდება.
19. 19
    ამრიგად, ვინც დაარღვევს ერთს ამ უმცირეს მცნებათაგანს, და ისე ასწავლის ადამიანებს, უმცირესი დაერქმევა მას ცათა სასუფეველში; ხოლო ვინც აკეთებს და ასწავლის, მას დიდი დაერქმევა ცათა სასუფეველში.
20. 20
    თქვენ გსმენიათ, რა ეთქვათ ძველებს: „არა ჰკლა; ვინც მოკლავს, სასამართლოს დაექვემდებარება.“
21. 21
    მე კი გეუბნებით თქვენ, რომ ყოველი, თავის ძმაზე ტყუილად განრისხებული, სასამართლოს დაექვემდებარება; ვინც თავის ძმას ეტყვის: რაკა, სინედრიონზე დაექვემდებარება, ხოლო რომელიც ეტყვის: სულელო, - დაექვემდებარება ცეცხლის გეენაზე.
22. 22
    ამიტომ, თუ შენ მიიტან შენს ძღვენს სამსხვერპლოსთან, და იქ გაიხსენებ, რომ შენს ძმას რაიმე აქვს შენს წინააღმდეგ,
23. 23
    დატოვე იქ შენი ძღვენი სამსხვერპლოსთან, და წადი, ჯერ შენს ძმას შეურიგდი; შემდეგ მოდი და შესწირე შენი ძღვენი.
24. 24
    შეურიგდი შენს მეტოქეს სასწრაფოდ, ვიდრე მასთან გზაზე ხარ, რომ მეტოქემ არ გადაქცეს მოსამართლეს, ხოლო მოსამართლემ არ გადაქცეს მსახურს და არ ჩაგაგდონ საპყრობილეში.
25. 25
    ჭეშმარიტად გეუბნები შენ: იქიდან ვერ გამოხვალ, ვიდრე უკანასკნელ კოდრანტს არ გადაიხდი.
26. 26
    გსმენიათ, რომ თქმულა: არ იმრუშო.
27. 27
    მე კი გეუბნებით, რომ ყოველი, ვინც დედაკაცს გულისთქმით უყურებს, უკვე იმრუშა მასთან თავის გულში.
28. 28
    თუ გაცდუნებს შენი მარჯვენა თვალი, ამოითხარე და გადააგდე, ვინაიდან უმჯობესია შენთვის, რომ ერთი ასოთაგანი დაგეღუპოს, ვიდრე მთელი შენი სხეული გეენაში ჩავარდეს.
29. 29
    და თუ შენი მარჯვენა ხელი გაცდუნებს შენ, მოიკვეთე იგი, და გადააგდე, ვინაიდან უმჯობესია შენთვის, რომ ერთი ასოთაგანი დაგეღუპოს, ვიდრე მთელი შენი სხეული გეენაში ჩავარდეს.
30. 30
    ასევე ნათქვამია: ვინც თავის ცოლს გაუშვებს, დაე მისცემს მას გაყრის მოწმობა.
31. 31
    მე კი გეუბნებით თქვენ: ყოველი, ვინც თავის ცოლს გაუშვებს სიძვის მიზეზის გარეშე, ის მას მრუშობის მიზეზს აძლევს ვინც გაშვებულს შეირთავს, მრუშობს.
32. 32
    კიდევ გსმენიათ, რომ თქმულა ძველთა მიმართ: არ დაიფიცო ტყუილად, არამედ შეასრულე შენი ფიცი უფლის წინაშე.
33. 33
    მე კი გეუბნებით თქვენ: საერთოდ არ დაიფიცოთ, არც ცა, იმიტომ, რომ ღმერთის ტახტია ის;
34. 34
    არც დედამიწა, იმიტომ, რომ მის ფეხთა სადგამია ის; არც იერუსალიმი, იმიტომ, რომ დიდი მეფის ქალაქია ის;
35. 35
    არც შენი თავი დაიფიცო, იმიტომ, რომ არ შეგიძლია ერთი ღერი თმის გათეთრება ანდა გაშავება.
36. 36
    არამედ იყოს თქვენი სიტყვა: ჰო - ჰო, არა - არა. რაც ამაზე მეტია, ის ბოროტისაგან არის.
37. 37
    თქვენ გსმენიათ, რომ თქმულა: თვალი თვალისა წილ და კბილი კბილისა წილ.
38. 38
    მე კი გეუბნებით თქვენ: წინააღმდეგობას ნუ გაუწევთ ავს; არამედ თუ ვინმემ მარჯვენა ლოყაში გაგარტყას, მეორე ლოყაც მიუშვირე.
39. 39
    და რომელიც მოისურვებს შენთან გასამართლებას და შენი მოსასხამის წაღებას, სამოსელიც მიეცი მას.
40. 40
    და ვინც გაიძულოს, ერთი მილი წახვიდე მასთან, წადი მასთან ორი.
41. 41
    ვინც გთხოვოს, მიეცი და ზურგს ნუ შეაქცევ, ვისაც შენგან სესხება სურდეს.
42. 42
    თქვენ გსმენიათ, რომ თქმულა: შეიყვარე მოყვასი შენი და შეიძულე მტერი შენი.
43. 43
    მე კი გეუბნებით: გიყვარდეთ თქვენი მტრები, დალოცეთ თქვენი მაწყევრები, ქველმოქმედება გაუწიეთ თქვენს მოძულეებს და ილოცეთ მათთვის, ვინც თქვენ გავიწროებთ და გდევნით.
44. 44
    რათა იყვეთ თქვენი ზეციერი მამის ძენი; ვინაიდან თავისი მზე ამოჰყავს ბოროტთა და კეთილთა თავზე და წვიმას უგზავნის მართლებსა და უსამართლოებს.
45. 45
    ვინაიდან, თუ თქვენ გიყვართ თქვენი მოყვარულები, რა იქნება თქვენი საზღაური? განა მებაჟეებიც ასევე არ იქცევიან?
46. 46
    და თუ მხოლოდ თქვენს ძმებს მიესალმებით, განსაკუთრებულს რას აკეთებთ? განა წარმართებიც ასევე არ იქცევიან?
47. 47
    მაშ, იყავით სრულყოფილნი, ისევე როგორც თქვენი ზეციერი მამაა სრულყოფილი.
48. 48
    ერიდეთ სიმართლის გაკეთებას ადამიანის თვალწინ, რომ მათ დაგინახონ; თორემ ვერ მიიღებთ საზღაურს თქვენი ზეციერი მამისაგან.