მათეს სახარება — ახალი აღთქმა, სტოკჰოლმი 1985

თავი 8

1. 1
   და აი, მივიდა მასთან კეთროვანი, თაყვანი სცა და უთხრა: უფალო, YYთუ გინდა, შეგიძლია ჩემი განწმენდა.
2. 2
   გაიწოდა ხელი, შეახო მას და თქვა: მინდა, განიწმინდე, და მყისვე განიწმინდა იგი თავისი კეთრისაგან.
3. 3
   და უთხრა მას იესომ: ნახე, არავის უთხრა, არამედ წადი და ეჩვენე მღვდელს და შესწირე ძღვენი, რაც ბრძანა მოსემ მათდა დასამოწმებლად.
4. 4
   როცა ლაპერნაუმში შევიდა, ასისთავი მივიდა მასთან, შეევედრა
5. 5
   და უთხრა: უფალო, ჩEემი მსახური წევს სახლში დავრდომილი და სასტიკად იტანჯება.
6. 6
   უთხრა მას: მე მოვალ და განვკურნავ მას.
7. 7
   იმ ასისთავმა კი უთხრა პასუხად: უფალო, არა ვარ ღირსი, რომ ჩემს ჭერქვეშ შემოხვიდე, მხოლოდ სიტყვა თქვი და გაჯანმრთელდება ჩემი მსახური.
8. 8
   ვინაიდან მეც ძალაუფლების ქვეშ მყოფი კაცი ვარ და ჩემს ხელქვეით მყვანან ჯარისკაცები. და ერთს ვეუბნები: წადი! - და მიდის. და სხვას: მოდი! - და მოდის; ჩემს მონას: გააკეთე ეს! - და აკეთებს.
9. 9
   ეს რომ გაიგონა, იესოს გაუკვირდა და მის მიმყოლებს უთხრა: ჭეშმარიტად გეუბნებით თქვენ: ისრაელშიც ვერ ვპოვე მე ასეთი რწმენა.
10. 10
    ხოლო თქვენ გეუბნებით, რომ მრავალნი მოვლენ აღმოსავლეთიდან და დასავლეთიდან და დასხდებიან აბრაჰამთან, ისააკთან და იაკობთან ცათა სასუფეველში.
11. 11
    ხოლო სასუფევლის ძენი გადაიყრებიან გარესკნელის სიბნელეში. იქ იქნება ტირილი და კბილთა ღრჭენა.
12. 12
    და უთხრა იესომ ასისთავს: წადი და როგორც ირწმუნებ, ისე მოგეგოს. და იმ საათში გაჯანმრთელდა მისი მსახური.
13. 13
    იესომ მივიდა პეტრეს სახლში და ნახა მისი სიდედრი მწოლიარე ცხელებით შეპყრობილი.
14. 14
    შეეხო მის ხელს და ცხელებამ დატოვა ქალი, იგი წამოდგა და ემსახურა მათ.
15. 15
    როცა მოსაღამოვდა, მრავალი ეშმაკეული მოიყვანეს მასთან, და მან სიტყვით განდევნა სულები და ყველა სნეული განკურნა.
16. 16
    რათა აღსრულდეს ესაია წინასწარმეტყველის მიერ ნათქვამი, რომელიც ამბობს: მან წაიღო ჩვენი უძლურებანი და იტვირთა ჩვენი სნეულებანი.
17. 17
    თავის ირგვლივ დიდძალი ხალხი რომ დაინახა, იესომ უბრძანა მეორე ნაპირზე გასვლა.
18. 18
    მიუახლოვდა ერთი მწიგნობარი და უთხრა: მოძღვარო, გამოგყვები შენ, სადაც კი წახვალ.
19. 19
    იესო ეუბნება მას: მელიებს სოროები აქვთ და ცის ფრინველთ - ბუდეები. ძე კაცისას კი არ გააჩნია, სად დადოს თავი.
20. 20
    ხოლო სხვა მოწაფეთაგანმა უთხრა მას: უფალო, ნება მომეცი, ჯერ წავიდე და მამაჩემი დავმარხო.
21. 21
    მაგრამ იესო ეუბნება მას: შენ მე გამომყევი და მკვდრებს აცალე თავიანთი მკვდრების დამარხვა.
22. 22
    ჩაჯდა იგი ნავში და მისი მოწაფეებიც მიჰყვნენ.
23. 23
    და აი დაიწყო დიდი ღელვა ზღვაზე, ისე რომ ნავი ტალღებით იფარებოდა; მას კი ეძინა.
24. 24
    მიუახლოვდნენ, გააღვიძეს იგი და უთხრეს: უფალო, გვიხსენი, ვიღუპებით.
25. 25
    და უთხრა მათ: რამ შეგაშინათ, მცირედ მორწმუნენო? შემდეგ წამოდგა, შერისხა ქარები და ზღვა, და ჩამოდგა დიდი სიწყნარე.
26. 26
    ადამიანებს კი უკვირდათ და ამბობდნენ: ვინ არის ეს, ქარებიც და ზღვაც მას რომ ემორჩილებიან?
27. 27
    როცა მეორე ნაპირზე ღადარინელთა ქვეყანაში მივიდა, მას შემოხვდა ორი ეშმაკეული, რომლებიც სამარხებიდან ამოვიდნენ მეტისმეტად მრისხანენი, ისე რომ ვერავინ ბედავდა იმ გზაზე გავლას.
28. 28
    და აი, მათ მორთეს ყვირილი: რა ჩვენ და შენ, ძეო ღმერთისა? ვადაზე ადრე მოხვედი აქ, რომ გვტანჯო ჩვენ?
29. 29
    მათგან მოშორებით ძოვდა ღორების დიდი კოლტი.
30. 30
    და ეშმაკები შეევედრნენ მას: თუ გაგვდევნი ჩვენ, გაგვგზავნე ღორების კოლტში.
31. 31
    და უთხრა მათ: წადით! ისინი გამოვიდნენ და წავიდნენ ღორებში. და აი, მთელი კოლტი გადაეშვა კბოდედან ზღვაში და წყალში დაიღუპა.
32. 32
    მწყემსები კი გაიქცნენ, მივიდნენ ქალაქში და უამბეს ყველაფერი, და ეშმაკეულებზეც.
33. 33
    და აი, მთელი ქალაქი გამოვიდა იესოს შესახვედრად და რომ დაინახეს იგი, შეევედრნენ მათი საზღვრებიდან წასულიყო.
34. 34
    მაშინ ჩაჯდა ნავში, გადაიარა და მივიდა თავის ქალაქში.